Алабугада «Супер әби 2020» конкурсы игълан ителде
Конкурста оныклары булган 45 яшьлек һәм өлкәнрәк әбиләр катнаша ала.
(Казан, 18 сентябрь, «Татар-информ»). Алабугада «Супер әби 2020» конкурсы игълан ителде. Чара Өлкәннәр көненә багышланган декада кысаларында үткәрелә. Бу турыда «Новая Кама» газетасы яза.
Конкурста оныклары булган 45 яшьлек һәм өлкәнрәк әбиләр катнаша ала. Алар сәламәт яшәү рәвеше алып барырга һәм социаль-иҗтимагый тормышта актив катнашырга тиеш.
Конкурс программасына танышу, тәмле ризык тәкъдим итү, балалар тәрбияләү һәм әби хоббие кергән.
Конкурс 29 сентябрьдә 15.00 сәгатьтә «Иллюзион» кинотеатрында узачак. Конкурста катнашу өчен 27 сентябрьгә кадәр анкета-гариза язып, festival.emr@mail.ru электрон адресына җибәрергә кирәк.
Конкурста катнашуга кагылышлы сораулар буенча 8917-895-41-97 телефонына шалтыратырга мөмкин.