news_header_top_970_100
16+
news_header_bot_970_100

Татарстанда иминлек каешын эләктермәгән машина йөртүчеләрне видеокамералар төшерәчәк

Камералар әлегә тест режимында эшли.

(Казан, 18 июнь, «Татар-информ», Павел Климчак). Татарстанда тест режимында юлларда яңа камералар эшли башлады. Алар иминлек каешын эләктермәгән машина йөртүчеләрне төшерә.

Республика Дәүләт автоинспекциясе мәгълүматлары буенча, узган елда булган 126 юл-транспорт һәлакәтендә иминлек каешын эләктермәгән кешеләр булган. Нәтиҗәдә 62 кеше һәлак булган, ә 100 кеше җәрәхәтләр алган.

Бу елның биш аенда шундый 24 авария булган, анда 11 кеше үлгән, 21 кеше җәрәхәтләнгән.

Юл йөрү кагыйдәләре буенча, автомобиль салонында булган барлык пассажирлар да иминлек каешын эләктергән булырга тиеш. Кагыйдәне бозган машина йөртүчегә — 1000, ә пассажирга 500 сум штраф каралган.

autoscroll_news_right_240_400_1
autoscroll_news_right_240_400_2
news_bot_970_100