ТР Югары суды рәисенең дүртенче урынбасары була

Ул административ эшләр буенча коллегияне җитәкләячәк

(Казан, 18 июнь, «Татар-информ», Эмма Ситдыйкова). Бүген Мәскәүдә РФ Судьяларының югары квалификация коллегиясе утырышы булды. Анда коллегия вәкилләре судья Роман Гафаровны ТР Югары суды рәисенең административ эшләр буенча урынбасары вазыйфасына тәкъдим итәргә тавыш бирделәр. Бу хакта “Татар-информ” МА хәбәрчесенә судның матбугат-секретаре Наталья Лосева хәбәр итте.

Аның сүзләренчә, Гафаров кандидатурасын Россия Президенты расласа, ул яңа вазыйфага керешә ала. ТР Югары суды рәисе урынбасары быел гыйнварда оештырылган административ эшләр буенча коллегияне җитәкләячәк.