Җәмгыять 18 май 2020 10:05

Россиядә айлык тупланма пенсия күләме кимергә мөмкин

Россия Хезмәт һәм социаль яклау министрлыгы тупланмаларны түләү срогын арттыру турында закон проектын эшләгән.

Скопировать ссылку

(Казан, 18 май, «Татар-информ»). 2021 елда айлык тупланма пенсия күләме 2020 ел белән чагыштырганда кимергә мөмкин. Бу Россия Хезмәт һәм социаль яклау министрлыгы тарафыннан тупланган акчаларны түләү вакытын арттыру турындагы закон проекты белән бәйле. Бу хакта «Известия» газетасы яза.

Хезмәт һәм социаль яклау министрлыгы әзерләгән «2021 елга тупланма пенсияне түләүнең көтелгән чоры турында»гы закон проекты пенсиянең тупланма өлешен исәпләү вакытын алты айга, ягъни 2022 елга кадәр арттыруны күздә тота.

Шулай итеп, тупланма суммасы элегрәк булганча 258гә түгел, ә 264 өлешкә бүленәчәк. Росстат мәгълүматларына сылтама белән, документка аңлатма язуында алда көтелгән гомер озынлыгы пенсия яшендәге ир-атлар өчен 16,86 ел һәм хатын-кызлар өчен 26,56 ел тәшкил итә, диелә.

«Көтелгән түләү чоры» күрсәткече бары тик тупланма пенсияне исәпләгәндә генә кулланыла. Көтелгән түләү чоры дәвамлылыгы ел саен федераль закон тарафыннан рәсми статистик мәгълүматлар нигезендә билгеләнә», – дип аңлатма бирделәр бу яңалыкка Хезмәт министрлыгы матбугат хезмәтендә.

Сәхифәләр

Россиядә айлык тупланма пенсия күләме кимергә мөмкин