Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Сарман икмәге»ндә «ТАССРга 100 ел» билгесе булачак
Бүгенге көндә «Сарман икмәге» продукциясе республиканың җиде районында сатыла.
(Сарман, 18 февраль, «Татар-информ», «Сарман»). «Сарман икмәге» җәмгыяте продукциясендә «ТАССРга 100 ел» дигән мәгълүмат билгесе урнаштырылачак. Район башлыгы Фәрит Хөснуллин ширкәт директоры Рөстәм Нуруллинга юбилей билгесен легаль файдалану турында сертификат һәм «ТАССР төзелүгә 100 ел» истәлек билгесен тапшырды. Бу хакта «Сарман» газетасы яза.
Тантана Совет гаскәрләрен Әфганстаннан чыгаруга 31 ел тулуга багышланган чара кысаларында узды. Әфган сугышында булган солдатлар, әфганчыларның әти-әниләре, якыннары митингтан соң ширкәт кафесы директоры кафесына җыелды. Алар өчен өстәлләр һәм бәйрәм кичәсе оештырылды.
Рөстәм Нуруллин үз эшчәнлеген кечкенә генә кибеттән башлады. Бүгенге көндә ул районның эре эшмәкәрләренең берсе, район башлыгы каршындагы Эшмәкәрлек советы рәисе булып тора. Рөстәм Нуруллин җәмәгать туклануы оешмалары, «Весна» кибетләре челтәренең хуҗасы.
Ул районда икмәк пешерү традицияләрен яңартып, 2011 елда «Сарман икмәге» ширкәтенә нигез сала.
Оешма икмәк-күмәч һәм кондитер әйберләре, тортлар җитештерү белән шөгыльләнә. Ул илледән артык төр продукция чыгара. «Сарман икмәге «нең даны ТАССР чорыннан ук киң таралган булган. Нуруллин аны элеккеге дәрәҗәсенә кире кайтара алган.
Бүгенге көндә «Сарман икмәге» продукциясе республиканың җиде районында сатыла.
Кызыклы яңалыкларны күзәтеп бару өчен Телеграм-каналга язылыгыз