Татар китабы йортында татарча медицина терминологиясе турында сөйләшәчәкләр

Биредә «Соңгы 100 елда нинди медицина терминнары үзгәреш кичергән, аларны ничек тәрҗемә итәләр һәм итәргә тырышалар?» кебек сораулар күтәреләчәк.

(Казан, 17 сентябрь, «Татар-информ»). 17 сентябрь көнне 15:00 сәгатьтә Татар китабы йортында татарча медицина терминологиясе турында сөйләшү булачак.

Татар китабы йортының Инстаграм сәхифәсендә күрсәтелгәнчә, биредә «Соңгы 100 елда нинди медицина терминнары үзгәреш кичергән, аларны ничек тәрҗемә итәләр һәм итәргә тырышалар?» кебек сораулар күтәреләчәк.

Әгәр Сезгә бу тема кызыклы булса, 17се көнне Островский урамы, 15 йорт адресы буенча очрашуга килегез, диелә хәбәрдә.