Соңгы тәүлектә Татарстанда авыру билгеләре булган 511 бала мәктәпкә кертелмәгән
Уку елы башыннан температурасы һәм ОРВИ билгеләре булган 4 мең 749 бала дәресләргә үткәрелмәгән.
(Казан, 17 сентябрь, «Татар-информ», Гөлнар Гарифуллина). Соңгы тәүлектә мәктәпләргә 511 бала кертелмәгән. Бу ОРВИ билгеләре яки температурасы булган балалар.
ТР буенча Роспотребнадзор идарәсе җитәкчесе урынбасары Любовь Авдонина «Татар-информ» агентлыгында матбугат конференциясендә Татарстан мәктәпләрендә иртәнге фильтр нәтиҗәләрен күзәтеп баруларын әйтте. «Санитар кагыйдәләр буенча температура үлчәү мәҗбүри таләп. Уку елы башыннан температурасы һәм ОРВИ билгеләре булган 4 мең 749 бала укуга кертелмәгән», — диде.
Любовь Авдонина сүзләренчә, Татарстан мәктәпләрендә әлегә бергә укый алмаган җиде класс бар. Бу укучылары күп авырган сыйныфлар. «Бу классларда 167 бала укый. Бу Азнакай районы мәктәбе», — диде белгеч.