Мөслимдә XI Бөтенроссия татар авыллары Сабан туена әзерлек эшләре тикшерелде
Хәзерге вакытта Сабан туеның программасы, чакырылачак кунаклар исемлеге һ.б. әзер.
Скопировать ссылку
(Казан, 17 июнь, «Татар-информ»). Бөтендөнья татар конгрессы Башкарма комитеты җитәкчесе Данис Шакиров бүген XI Бөтенроссия татар авыллары Сабан туен оештыру мәсьәләләре буенча Мөслим районында эш сәфәре белән булды. Милли бәйрәмебез биредә 3 июль көнендә уздырылачак.
Бөтендөнья татар конгрессы матбугат хезмәте хәбәр иткәнчә, Данис Шакиров бәйрәм мәйданындагы әзерлек барышы белән танышты. Биредә эш тулы көченә кайный. Хәзерге вакытта Сабан туеның программасы, чакырылачак кунаклар исемлеге һ.б. әзер. Бәйрәм барышында эпидемиологик саклык чаралары да күреләчәк.