Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Башкортстан» нәшрияты журналистларының хезмәт хакын 25 процентка арттырачаклар
Быел беренче тапкыр уза торган «Медиаҗыен» милли массакүләм мәгълүмат чаралары форумында республика башлыгы Радий Хәбиров шул турыда игълан итте.
(Казан, 17 апрель, «Татар-информ»). «Башкортстан» нәшрият йорты дәүләт унитар предприятиесе журналистларының хезмәт хакы 2022 елның 1 гыйнварыннан 25 процентка артачак.
Республика башлыгы Радий Хәбиров «Медиаҗыен» милли массакүләм мәгълүмат чаралары форумында шул хакта игълан итте, дип яза «Башинформ».
«Әлеге максатларга 74 млн сум күләмендә өстәмә акча бүлеп биреләчәк. Бу 2022 елның 1 гыйнварыннан хезмәт хакын 25 процентка арттыру мөмкинлеге бирәчәк», — диде Радий Хәбиров.
«Медиаҗыен» милли массакүләм мәгълүмат чаралары форумы 16-17 апрельдә республиканың Гафури районында уза. Ул Республика Матбугат һәм массакүләм мәгълүмат чаралары агентлыгы ярдәмендә Бөтендөнья башкорт корылтае инициативасы буенча беренче тапкыр оештырыла.
«Газета-журналларда туган телләрендә язучы корреспондентлар тармакның көнүзәк мәсьәләләре турында фикер алышу өчен җыелды. Шулай ук алар өчен социаль челтәрләрдә эшләү, яңалык эзләү, басмалар сайтларына трафикны арттыру һәм башка бурычлар буенча остаханә оештырылды», диелә бу хәбәрдә.
Кызыклы яңалыкларны күзәтеп бару өчен Телеграм-каналга язылыгыз