Калугада Татарстан милли мәдәнияте көненә әзерләнәләр

Татарстан милли мәдәнияте көне 23 февральдә 14.00 сәгатьтә өлкә Яшьләр үзәгендә уза.

(Казан, 17 февраль , «Татар-информ»). Калугада Татарстан милли мәдәнияте көне 23 февральдә 14.00 сәгатьтә өлкә Яшьләр үзәгендә уза. Бу хакта Бөтендөнья татр конгрессы матбугат хезмәте хәбәр итә.

Инде күптәннән килгән традиция буенча, Калуга өлкәсе территориясендә яшәүче татар диаспорасы бу көнне бәйрәм кунакларына үзләренең милли мәдәниятен барлык төрлелегендә тәкъдим итәчәк.

Бәйрәм вакытында кунакларга милли татар ризыкларын тәкъдим ителә, үзләренең милли киемнәрен күрсәтәчәкләр, шулай ук гамәли иҗат күргәзмәсе оештырыла.

Концерт программасында «Дуслык» татар җыры вокаль ансамбле катнаша. Бәйрәм кунакларына үзләренең иҗади композицияләрен «Ташир», «Колорит», «Яшьлек», «Акварель» бию коллективлары, шулай ук «Акцент» эстрада җыры студиясе бүләк итәчәк.