Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанның сәүдә үзәкләрендә өстәмә намаз уку бүлмәләре булдыру ниятләнә
Татарстан Президенты үз исеменнән мөрәҗәгать әзерләү, намаз уку бүлмәләре кирәк булган объектлар исемлеген төзүне йөкләде.
(Казан, 16 ноябрь, «Татар-информ»). Татарстанның сәүдә үзәкләрендә мөселманнар өчен өстәмә гыйбадәт бүлмәләре булдыру ниятләнә. Татарстан Президенты Рөстәм Миңнеханов республика эшмәкәрләре белән очрашуда гыйбадәт кылу урыннары кирәк булган объектлар исемлеген төзү бурычын куйды.
«Гыйбадәт бүлмәләре — яхшы эш. Альберт Әнвәрович (ТР сәнәгать һәм сәүдә министры — Т.И. искәрмәсе), әйдәгез, шундый урыннар булдыру мәсьәләсендә мөрәҗәгать итик. Сәүдә үзәкләренә килүчеләр саны да артачак, чөнки кешеләр намаз вакытында да йөри алачак. Барлык норма һәм таләпләрне Татарстан мөселманнары Диния нәзарәте белән килештерергә кирәк», — дип белдерде Рөстәм Миңнеханов.
Президент үз исеменнән мөрәҗәгать әзерләү, намаз уку бүлмәләре кирәк булган объектлар исемлеген төзүне йөкләде.
Бу бүлмәләрнең мәйданы якынча 20-25 квадрат метр тәшкил итәчәк. РФ эшмәкәр мөселманнар ассоциациясе ремонт, аренда һәм коммуналь түләүләрне үз өстенә ала.
Хәзерге вакытта гыйбадәт кылу бүлмәләре Казан аэропортында, «Сувар плаза», «Караван» сәүдә үзәкләрендә бар.
Кызыклы яңалыкларны күзәтеп бару өчен Телеграм-каналга язылыгыз