Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Викимедиа РУ җитәкчесе татарча Википедияне үстерүчеләрнең керткән өлешен әйтте
"Татар халкы Россиядә аерым урынны алып тора", - ди Владимир Медейко.
(Казан, 16 ноябрь, "Татар-информ", Гөлнар Гарифуллина). Татарча Википедияне үстерүче волонтерлар татар халкы турында белем бөтен дөньяга билгеле булсын өчен зур эш башкара. Санкт-Петербург җәмәгать эшлеклесе, Викимедиа РУ партнерлыгы директоры, рус Википедиясе администраторы Владимир Медейко шул фикердә. Бу хакта ул "Белем җәүһәрләре-2019" бәйгесе җиңүчеләрен бүләкләүдә әйтте.
Владимир Медейко "Татарча Википедияне үстерүдә иң зур өлеш керткән википедияче" номинациясендә җиңүчеләрне тәбрикләде. "Без Википедиянең рус телендә генә түгел, төрле телләрдә үсешенә ярдәм итәбез. Бу телләр арасында татар теле аерым урынны алып тора. Безнең бурыч - Россия халыклары мәдәниятләрен турында мәгълүмат җиткерү. Ә татар халкы Россиядә аерым урынны алып тора", - ди ул.
Ул Википедия проектының кулланучылар керүе буенча дөньяда алтынчы урында торганын әйтте. "Бәйгегездә бу номинация өчен рәхмәт, чөнки волонтерлар татар халкы турында белем бөтен дөньяга билгеле булсын өчен зур эш башкара", - диде.
Кызыклы яңалыкларны күзәтеп бару өчен Телеграм-каналга язылыгыз