Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Синоптиклар Россиянең Европа өлешенә язның иртә киләчәген фаразлый
Язның иртә килүе җылы кыш белән аңлатыла: кар катламы тулысынча формалашмаган, ә сулыклар юан боз кисәге белән каплана алмаган.
(Казан, 16 февраль, «Татар-информ»). Россиянең Европа өлешендә язның беренче билгеләре быел гадәттәгедән иртәрәк пәйда булачак. Бу хакта РФ Гидрометеорология үзәге фәнни җитәкчесе Роман Вильфандка сылтама белән ТАСС хәбәр итә.
«Европа территориясендә язның беренче билгеләре - ноль градустан арту ягына күчү, кар, елгаларда һәм башка сулыкларда боз эрү. Бу - табигый синоптик билгеләр буенча яз башы. Әлбәттә, быел бу процессларның гадәттәгедән иртәрәк барачагын көтәргә мөмкин», — диде Вильфанд.
Аның сүзләренчә, язның иртә килүе җылы кыш белән бәйле: кар катламы тулысынча формалашмаган, ә сулыклар калын боз кисәге белән каплана алмаган.
«Татар-информ» элек хәбәр иткәнчә, киләсе атнада Татарстанга җылы киләчәк, ул чакта һава шартлары начараю күзәтелә. Республика территориясендә тәүлеклек уртача температура нормадан 10-13 градуска артып китәчәк.
Кызыклы яңалыкларны күзәтеп бару өчен Телеграм-каналга язылыгыз