Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Краснодарның Милли мәдәният үзәгендә балалар Яңа ел бәйрәменә җыела
Мондый бәйрәм татар һәм катнаш гаиләләрдәге традицияләрне, гореф-гадәтләрне, телне саклап калырга да ярдәм итәчәк.
(Казан, 15 декабрь, «Татар-информ»). Краснодар милли мәдәният үзәгендә 15 декабрьдә балалар өчен Яңа ел бәйрәме уза. Бу хакта Бөтендөнья татар конгрессы матбугат хезмәте хәбәр итә.
«Болгар-К» татар җәмгыяте» иҗтимагый оешмасы Краснодарда мондый бәйрәмне инде өченче ел рәттән үткәрә. Оештыручылар сүзләренә караганда, балалар өчен татар телендә Яңа ел бәйрәме Кубань халкы арасында халык мәдәниятен популярлаштырырга гына түгел, ә татар һәм катнаш гаиләләрдәге традицияләрне, гореф-гадәтләрне, телне саклап калырга да ярдәм итәчәк.
Бәйрәмдә балалар конкурсларда катнаша, татар мәдәнияте белән таныша һәм Кыш бабай турында шигырьләрен сөйли, шуның өчен алар татлы бүләкләр ала.
Узган ел әлеге чарада йөзгә якын бала катнашты.
Кызыклы яңалыкларны күзәтеп бару өчен Телеграм-каналга язылыгыз