17 ноябрьдән «Бигеш» аэропортыннан Сочига рейслар ел әйләнәсе булачак
Очышлар сишәмбе, пәнҗешәмбе һәм шимбә көннәрендә булачак.
Скопировать ссылку
(Казан, 15 октябрь, «Татар-информ»). 17 ноябрьдән башлап «Бигеш» аэропортыннан Сочига рейслар ел әйләнәсе булачак. Очышлар атнасына өч тапкыр башкарылачак. Бу хакта һава аланының матбугат хезмәте хәбәр итә.
Пассажирлар Embraer E-190 лайнерында сишәмбе, пәнҗешәмбе һәм шимбә көннәрендә оча алачак. «Самолетлар 110 кешене сыйдыра ала», — диделәр матбугат хезмәтендә.
Covid-19 коронавирусын кисәтү өчен һава суднолары, аерым алганда урындыклар, өстәлләр һәм йөк киштәләре даими рәвештә дезинфекцияләнәчәк. Бортта ризык әзерләгәндә санитар-эпидемиология нормаларын үтәү контрольдә тотылачак.