Рөстәм Миңнеханов Сочида тарлавык өстеннән очыш видеосын урнаштырган

(Казан, 15 октябрь, "Татар-информ"). Татарстан Президенты Рөстәм Миңнеханов социаль челтәрләрдә Сочидагы биеклектә урнашкан Skypark маҗаралар паркыннан видео урнаштырган.

Рөстәм Миңнеханов паркта Zipline аттракционына юнәлгән. Анда ул Ахштырь үзәнлегеннән Мзытма елгасы өстеннән очып үткән. Очыш арасы 700 метр, тизлек сәгатенә 70 чакрымга җиткән. “Икенче якка киттем”, – дип язган ролигында Рөстәм Миңнеханов.

Искәртеп үтик, “Татар-информ” алдан хәбәр итүенчә, Татарстан Президенты Рөстәм Миңнеханов эшлекле сәфәр белән Сочида. Сәфәрнең төп максаты – XIX Бөтендөнья яшьләр һәм студентлар фестивале ачылышында катнашу.