Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Татарстан журналистлары приз фонды 2 миллион сум тәшкил иткән бәйгедә катнаша ала
Конкурска хезмәтне һәм куркынычсызлыкны саклау темалары белән бәйле эшләр кабул ителә.
(Казан, 15 июнь, «Татар-информ»). Татарстан журналистларын БИОТ 2020 бәйгесендә катнашырга чакыралар, конкурсның гомуми приз фонды 2 миллион сум тәшкил итә. Бу хакта республиканың «Татмедиа» матбугат һәм массакүләм коммуникацияләр агентлыгыннан хәбәр иттеләр.
Бәйгенең төп темалары: хезмәтне һәм җитештерүдә куркынычсызлыкны саклау өлкәсендә инновацияләр һәм IT-карарлар, җитештерүдә һәм көндәлек тормышта шәхси саклану чараларын куллану, янгын һәм экологик куркынычсызлык һ.б. Җиңүчеләрне «Иң яхшы телевизион эш», «Басма гаммәви мәгълүмат чараларында чыккан иң яхшы материал», «Цифрлы медиада дөнья күргән иң яхшы материал» һәм «Иң яхшы фото» номинацияләрендә билгеләячәкләр.
Бәйгедә журналистлар, цифрлы медиа хезмәткәрләре, блогерлар һәм фотографлар катнаша ала. Быелның 1 гыйнварыннан 15 ноябрьгә кадәр басылып чыккан эшләрне конкурска 2020 елның 20 ноябренә кадәр җибәрергә кирәк. Алга таба аларга экспертлар бәя бирәчәк, җиңүчеләрне быелның 11 декабреннән дә соңга калмыйча ачыклаячаклар.
Июнь башында Татарстан журналистларын республика Сәнәгать һәм сәүдә министрлыгы игълан иткән икенче бер конкурста катнашырга чакырганнар иде. Бәйгегә гаммәви мәгълүмат чаралары, журналистлар һәм җылылык-энергетика комплексы компанияләре матбугат хезмәтләренең эшләре кабул ителә.
Кызыклы яңалыкларны күзәтеп бару өчен Телеграм-каналга язылыгыз