Алабугада «Адымнар» торак комплексы төзеләчәк

(Алабуга, 15 апрель, «Татар-информ», «Алабуга нуры»). Алабуга районы һәм «Домкор» төзелеш компаниясе арасында килешү имзаланды. Аның кысаларында 6 күпфатирлы йорт төзеләчәк. Аларның гомуми мәйданы 60 мең кв. метр тәшкил итәчәк. Бу хакта Алабуга районы башлыгының матбугат хезмәте хәбәр итә.

Йорт яны территориясе һәм төзекләндерү эшләре ишегалды ягыннан автотранспорт хәрәкәтенә юл куймаслык итеп каралган.

Йортлар Танайка микрорайоннарында да төзеләчәк. Бу югары комфортлы алты торак йорт булачак.

Шуларның берсе «Адымнар-Алабуга» күптелле белем бирү комплексы белән 4-5 микрорайонында урнашачак. Ул белем бирү учреждениесе белән бер үк төсләрдә булачак.