Данис Зарипов: Миңнәхмәтов китү белән без республика лидерларының берсен югалттык

«Ак Барс» һөҗүмчесе мәрхүмнең гаиләсенә түземлек һәм сәламәтлек теләде.

(Казан, 15 март, «Татар-информ», Егор Никитин). Татарстан республика лидерларының берсен югалтты. «Татар-информ» журналистларына «Ак Барс» һөҗүмчесе Данис Зарипов шундый фикерен белдерде.

«Ирек һәрвакыт көчле рухлы булган кешеләрнең берсе иде. Шәхсән минем өчен ул үз максатыңа ирешү мөмкинлеге үрнәге булды. Без аның белән танышканнан бирле ул миңа һәрвакыт җиңүләргә ирешүдә юнәлеш бирде», — дип уртаклашты Зарипов.

Ул Ирек Миңнәхмәтовның кешелекле һәм ачык булуын билгеләп үтте.

«Болар барысы да безнең белән мәңгегә калачак. Без аны истә тотачакбыз. Кешенең гөрләп үсеше чорында китеп баруы мизгелләрен кичерү бик авыр. Без республика лидерларының берсен югалттык», — дип сүзен йомгаклады Зарипов һәм мәрхүмнең гаиләсенә сабырлык һәм сәламәтлек теләде.