Метшин Сәгыйтова турында: Яшьләр дә, мәдәният өчен җан аткан кешеләр дә аңа теләктәш
Кариев театрының элеккеге директоры Башкарма комитет җитәкчесе урынбасары вазифасын биләде.
(Казан, 15 февраль, «Татар-информ», Марат Ишкильдин). Башкарма комитеты җитәкчесенең яңа урынбасары Гүзәл Сәгыйтовага Казан яшьләре һәм мәдәният өчен җан аткан кешеләр теләктәшлек күрсәтә. Казан мэры Илсур Метшин Башкарма комитетта узган эшлекле дүшәмбе киңәшмәсендә шулай дип белдерде.
«Аңа бер мандатлы округта Казан шәһәр Думасына керергә тәкъдим ителгән иде. Анда ул Мәгариф, мәдәният, сәламәтлек саклау һәм социаль сәясәт комитетын җитәкләде. Аңа яшьләр дә, мәдәният өчен чын күңелдән җан аткан кешеләр дә теләктәшлек күрсәтә. Ярты ел эчендә без күпкырлы эшкә игътибар юнәлттек һәм комиссия социаль өлкәнең барлык спектры буенча эшләде», - диде Метшин.
Гүзәл Сәгыйтова ун елга якын «Татарстан – Яңа гасыр» телеканалында эшләде. Ул хезмәт юлын журналист сыйфатында башлап, редактор вазифасында дәвам итте. Шуннан соң Кариев исемендәге Казан Татар дәүләт яшь тамашачы театры директоры итеп билгеләнде. «Калеб» проектын оештырды, әлеге проект артистлар, җырчылар, музыкантлар һәм яшь режиссерларны берләштерде.
«Безнең өчен социаль сәясәт – иң зур блок. Эш күп, аңа эшендә уңышлар теләп калабыз, ә без бу зур һәм мөһим эштә бергә булачакбыз», - дип искәртте мэр.