Түбән Кама үтә модалы кала булачак

Түбән Каманы чит ил архитекторы төзиячәк
(Түбән Кама, 15 гыйнвар, “Татар-информ”, Сергей Толмацкий). Түбән каманың Үзәк паркы Нью-Йоркныкыннан да ким булмаячак. Барселонаның баш архитекторы әнә шундый планнар кора. Ул ниятләгәннәрне киләсе җиде елда тормышка ашырырга уйлый.
Киләсе җиде елда Түбән камада парк зонасы пәйда булачак. Ул матурлыгы һәм уңайлыгы ягыннан Нью-Йоркныкыннан бер дә калышмаячак. Шәһәр төзелешенең генераль планы концепциясен эшләүдә актив катнашачак Барселонаның баш архитекторы әнә шундый планнар кора.
Бүген Хосе Асебильо җирле паркның – һәр архитектор фантазиясе өчен майлы кисәк булуын сөйләде, чөнки аның мәйданы зур һәм анда бик матур агач-куаклар үсә. Моннан тыш, ял зонасын тагын бер истәлекле урын бизи ала. Бу Түбән Каманың яшел зонасының нәкъ читендә торучы телевышка. Шәһәрнең иң биек корылмасы, Эйфель манарасы мисалында, якты утлар белән җемелдәп утырачак, ә аның янындагы территориядә җәяүлеләр өчен тротуарлар төзеләчәк.
Җирле архитекторлар һәм Испания профессионалы планнарында шәһәрнең үзәген генә үтә модалы итүдән тыш, яңа микрорайоннарны иң заманча стандартлар буенча төзергә тели. Аларда җир асты стоянкалары, зур сәүдә үзәкләре һәм кешеләр уңайлы яшәү өчен бар кирәкле биналар төзеләчәк.