Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Зәйлеләр язучы Гурий Тавлин исемен мәңгеләштерә
Республика керәшен иҗтимагый оешмасының Зәй бүлеге шундый башлангыч белән чыккан, аны район җитәкчелеге дә хуплаган.
(Казан, 14 декабрь, “Татар-информ”). Шушы көннәрдә Зәй районы Урта Баграж авылында язучы, Татарстанның атказанган мәдәният хезмәткәре Гурий Тавлин (1925-1998) туып үскән йортка мемориаль такта куелачак. Моңа әзерлек эшләре бара. Якташыбыз исемен мәңгеләштерү мәсьәләсен Республика керәшен иҗтимагый оешмасының Зәй бүлеге күтәреп чыкты, дип яза “Зәй офыклары” газетасы.
Район җитәкчелеге дә бу игелекле эшне хуплады. Шулай да, тормышка ашачак әлеге гамәлдә төп роль хезмәт ветераны, районның актив җәмәгать эшлеклесе Семен Гудошниковка туры килә. Истәлек тактасының проектын эшләүче дә ул.
Исән булса, Гурий Тавлинга 25 декабрьдә 91 яшь тулган булыр иде. Мемориаль такта кую тантанасы Урта Багражда шул көннәргә планлаштырыла.
Язучының “Алгы сызыкта”, “Йолдызлар безгә янәшә” хикәяләр җыентыклары, “Афәт” роман-трилогиясе дөнья күреп, үз укучысын тапты. 1950-54 елларда нигезсез репрессияләнгән, соңыннан акланган булуы мәгълүм.
Кызыклы яңалыкларны күзәтеп бару өчен Телеграм-каналга язылыгыз