Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мәктәп яшендәге бала өчен түләүне бары тик банк картасына гына алып булачак
Түләү алу өчен гаризаны 15 июльдән октябрь ахырына кадәр тапшырырга кирәк.
(Казан, 14 июль, «Татар-информ»). Мәктәп яшендәге балалар өчен 10 мең сум күләмендә бер тапкыр бирелә торган түләүне банк картасына гына алырга мөмкин.
«Бары тик картага, теләсә кайсы түләү системасы картасына алырга була. Түләү бер генә тапкыр бирелгәч, аны алу өчен „Мир“ түләү системасы булган карта ачып торырга кирәк түгел», — дип хәбәр итә Россиянең Хезмәт һәм социаль яклау министрлыгы.
Шулай ук, түләүгә бирелгән гаризалар биш эш көне дәвамында карала. Түләү гаиләнең керемнәре составында исәпкә алынмый.
Балалы гаиләләргә ярдәм итүнең яңа чаралары турында карарны Россия Президенты Владимир Путин Федераль Җыенга Юллама вакытында әйткән иде.
6-18 яшьлек балалары булган, шулай ук сәламәтлекләре чикле 18 яшьтән өлкәнрәк, әле дә мәктәптә укыган балалары булган гаиләләргә һәр бала өчен 10 мең сум бирелә.
Түләүләрне алу өчен гаризаны агымдагы елның 15 июленнән октябрь ахырына кадәр тапшырырга мөмкин булачак. Беренче түләүләр 16 августтан бирелә башлый.
Кызыклы яңалыкларны күзәтеп бару өчен Телеграм-каналга язылыгыз