news_header_top_970_100
16+
news_header_bot_970_100

Кукмара Сабан туенда беренче тапкыр «Димче почмагы» эшләде

Бу көнне үз парларын табарга теләүчеләр аз түгел иде.

Кукмара Сабан туенда беренче тапкыр «Димче почмагы» эшләде
http://kukmor-rt.ru/

(Кукмара, 14 июнь, «Татар-информ», «Хезмәт даны», Алсу Гатауллина). Кукмара Сабан туенда «Димче почмагы» эшләде. «Ике йөрәк» клубы җитәкчесенең сүзләренчә, «Димче почмагы» район Сабан туенда беренче тапкыр эшләгән.

Танышу клубы район Мәдәният йорты каршында 2015 елның октябреннән бирле эшли. Бу вакыт эчендә барлыгы 367 кеше мөрәҗәгать иткән. Җиде пар гаилә корган, 11 пар бүгенге көндә дустанә мөнәсәбәттә яши.

«Ике йөрәк» клубына үзебезнең Татарстаннан гына түгел, күрше төбәкләрдән, шәһәрләрдән дә ялгыз йөрәкләр мөрәҗәгать итә. Алар район газетасы сайтында үткәрелгән чаралар турында яңалыкларны күреп, безне эзләп таба. Сабан туенда без беренче тапкыр эшлибез, әмма шуңа да карамастан, үзенең икенче яртысын табарга теләүче йөздән артык кеше мөрәҗәгать итте инде. Алар үз номерларын калдыралар, без аларны анкетага кертәбез», — дип сөйләде районның баш яучысы Фәрзия Сәлләмова.


autoscroll_news_right_240_400_1
autoscroll_news_right_240_400_2
news_bot_970_100