Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Зәйдә тимер юлчылар «Игътибар-тимер юл кичүе!» акциясен үткәрде
Акция юл хәрәкәте иминлеге автоинспекторлары белән бергә уздырыла.
(Зәй, 14 июль, «Татар-информ», «Зәй офыклары», Рәзимә Кашапова). Зәйнең Мирный бистәсе тимер юл кичүе янында «Игътибар-тимер юл кичүе!» акциясенең чираттагысы үтте. Ул автомобиль һәм тимер юллары кисешкән урыннарда юл-транспорт һәлакәтләрен кисәтү максатыннан оештырылды. Бу турыда район басмасы хәбәр итә.
Акцияне тимер юлчылар юл хәрәкәте иминлеге автоинспекторлары белән бергә уздыра. Акция барышында машина йөртүчеләргә тимер юл кичүе аша йөрү һәм куркынычсызлык кагыйдәләре язылган буклетлар таратылды, алар белән әңгәмә корылды.
«Круглое Поле тимер юллар дистанциясендә агымдагы елның алты аенда юл-транспорт һәлакәте булмады. Зәйдә элек өч тимер юл кичүе бар иде, бүгенге көндә алар — икәү. Алар — 128 һәм 124нче тимер юл кичүләре, барысы да тавыш сигнализациясе, шлагбаумнар, чикләү җайланмалары һәм юл билгеләре белән тәэмин ителгән. Һәр икесендә дә тәүлек әйләнә кизү торучылар бар», — ди мастер Олег Ризатдинов.
Юлларда имин йөрик, машина йөртүчеме, юлаучымы син — безнең һәммәбезне өйдә көтәләр. Быел райондагы ике тимер юл кичүләрендә зур транспорт һәлакәтләре булмады. Алга таба да тимер юл кичүләрендә игътибарлы булсак иде.
Кызыклы яңалыкларны күзәтеп бару өчен Телеграм-каналга язылыгыз