Җәмгыять 14 март 2021 17:31

Дәүләт Думасында яңа салым кертергә тәкъдим иттеләр

КПРФ лидеры Геннадий Зюганов Twitter социаль челтәрендәге үз сәхифәсендә шул хакта язып чыккан.

Скопировать ссылку

(Казан, 14 март, «Татар-информ»). Россиядә «шикле байлар»га арттырылган салым кертергә кирәк.

«Известия» газетасы хәбәр иткәнчә, КПРФ лидеры Геннадий Зюганов Twitter социаль челтәрендәге үз сәхифәсендә шул хакта язып чыккан.

Ул Хезмәт һәм социаль яклау министрлыгының формаль рәвештә аз хезмәт хакы алучы, әмма чынлыкта берничә йортка, автомобильгә ия һәм зур күләмдә җыелган акчасы булган гаиләләрнең балаларына ярдәмне чикләү турындагы тәкъдименә шундый аңлатма бирде.

«Иң элек „шикле байлар“га арттырылган салым кертергә һәм түрәләрнең чыгымнары чынлыкта керемнәренә туры киләме-юкмы икәнлеген тикшерергә тәкъдим итәм», - дип язган сәясәтче.

Хәзерге вакытта, гаилә дәүләт ярдәме алсын өчен, аның «ак» керемнәре төбәктә билгеләнгән яшәү минимумыннан түбәнрәк булырга тиеш. Шуның аркасында «соры» һәм югары керемгә ия кешеләр дә кешеләр дә әлеге түләүләргә өметләнә ала иде.

Хезмәт һәм социаль яклау министрлыгы хәбәр иткәнчә, түләүләрнең база күләме гаиләгә фәкыйрьлек чигеннән чыкмаска мөмкинлек бирсә, субъектта «балалар» пособиесе күләмен бер балага 50-100 процент яшәү минимумына кадәр арттырырга ниятлиләр. Түләүләрнең база дәрәҗәсе итеп бер балага төбәк яшәү минимумының 50 проценты алына.

Сәхифәләр

Дәүләт Думасында яңа салым кертергә тәкъдим иттеләр