Татарстан яшьләр эшләре министры туры эфирда сорауларга җавап бирәчәк
Шимбә көнне 15.00 сәгатьтә Дамир Фәттахов белән туры эфир башлана.
Скопировать ссылку
(Казан, 14 февраль, «Татар-информ»). Иртәгә, 15 февральдә, Татарстан яшьләр эшләре министры Дамир Фәттахов «Одноклассники» һәм «ВКонтакте» социаль челтәрләрендә республиканың рәсми бергәлекләренең туры эфирында чыгыш ясаячак.
Эфирда 2020 елда Татарстан яшьләренә нәрсә көтәргә, республикада нинди ял үзәкләре яңарачак һәм төзеләчәк, Татарстанда яшьләр нинди конкурсларда һәм проектларда катнаша һәм үзләрен күрсәтә алачак дигән сорауларга җавап бирәчәк.
Туры эфирны https://vk.com/nashtatarstan, https://ok.ru/nashtatarstan сылтамалары буенча бергәлек битләрендә карарга һәм сораулар бирергә мөмкин.
Трансляция 15.00 сәгатьтә башлана.