ОСАГО полисларын яңа бланкларда рәсмиләштерәчәкләр

Иминиятләштерүчеләр иске сериядәге бланклардан 1 апрельгә кадәр файдалана алачак.

(Казан, 14 гыйнвар, «Татар-информ»). 2020 елдан ОСАГО полисларын рәсмиләштерү өчен иминиятләштерүчеләр яңа серияләрдәге бланклар («ННН» һәм «РРР») куллана башлаячак. Бу хакта Россия автоиминиятчеләр берлеге сайты хәбәр итә.

Шул ук вакытта, иминиятләштерүчеләр иске сериядәге бланклардан («ККК» һәм «МММ») 1 апрельгә кадәр файдалана алачак. Килешүләр документта күрсәтелгән вакыт тәмамланганчыга кадәр гамәлдә булачак.

«ННН серияле бланклар, элеккеге ККК серияле бланклар кебек үк, күрсәтелгән килешүләргә минималь (стандарт) таләпләрне билгели торган Россия Банкы норматив акты булган очракта ирекле иминиятләштерү килешүләре төзүне күздә тотачак», - диелә хәбәрдә.