Россиядә чүп чыгаруны иярченнәр ярдәмендә контрольдә тотарга тәкъдим иттеләр

Система һәм аны гамәлгә кертүнең бәясе 10-50 миллион сум тәшкил итәргә мөмкин.

(Казан, 13 октябрь, «Татар-информ»). Россиядә чүп чыгаруны иярченнәр ярдәмендә контрольдә тотарга тәкъдим иттеләр. Төбәкара «Халык контроле» кулланучыларның хокукларын яклау җәмгыяте» шундый тәкъдим белән чыкты. Бу хакта «Известия» газетасы яза.

Белгечләр фикеренчә, IT-система чүп түгү машиналарының хәрәкәт маршрутларын визуальләштерергә ярдәм итәчәк.

«Тәкъдим ителгән система әлеге мәгълүматларны берләштерергә һәм визуальләштерергә мөмкинлек бирәчәк. Google яки „Яндекс“ны хәтерләткән картадан төбәк операторлары гына түгел, күзәтчелек органнары һәм гади гражданнар да файдалана алачак», - дип белдерде «Халык контроле»нең идарә рәисе Александр Смирнов әлеге инициативаны шәрехләп.

Аның мәгълүматлары буенча, система һәм аны гамәлгә кертүнең бәясе 10-50 миллион сум тәшкил итәргә мөмкин. Моннан тыш, программистлар тарафыннан комплекска бер ел дәвамында хезмәт күрсәтү тагын 1-1,5 миллион сумга төшәчәк.