Алабугада күрү буенча мөмкинлекләре чикләнгәннәр сайлауларда катнашты

(Казан, 13 сентябрь, «Татар-информ», «Алабуга нуры»). Алабугада күрү буенча мөмкинлекләре чикләнгәннәр сайлауларда катнашты. Бу хакта җирле газета хәбәр итә.

Мөмкинлекләре чикләнгәннәр Политтехник көллият бинасында урнашкан 1374нче сайлау участогында Татарстан Президентын һәм Казан Думасы депутатларын сайлады. Бу көллият күрү буенча мөмкинлекләре чикләнгәннәр күпләп яши торган урында урнашкан.

Сайлау комиссиясе рәисе Ирина Штычкова сүзләренчә, бу көннәрдә күрмәүче һәм начар күрүче сайлаучыларның күбесе күчмә тавыш бирүләре вакытында үзләренең тавышын биргән.

«Комиссия әгъзалары, сукыр гражданнар кандидатлар белән таныша алсын өчен, үзләре белән Брайль шрифтлы мәгълүмати материаллар алды», — дип сөйләде Ирина Штычкова.

Шулай ук сайлау комиссиясе әгъзалары сайлаучыларның алдан биргән гаризалары буенча аларның өйләренә дә чыкты.