Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Ау хуҗалыгы вәкилләре Татарстан Дәүләт Советының коралга бәйле мөрәҗәгатен хуплады
Корал алу процедурасын катлауландырырга кирәк, дип саный «Беркут» ау хуҗалыгы вәкиле Юлия Кирьянова.
(Казан, 13 июнь, «Татар-информ»). Татарстанның ау хуҗалыгы вәкилләре республика парламентының «Корал турында»гы федераль законга үзгәрешләр кертүгә кагылышлы инициативасын хуплады. Сунарчыларның фикерләрен «Татар-информ» агентлыгы хәбәрчесе дә тыңлады.
«Элек кеше бер ел кандидат булып исәпләнә иде. Ул ауга коралсыз гына барды. Кандидат дәвамында тәҗрибә туплады, ә сунарчылар аны күзәтте. Аннары ике аучы кандидатны үз «канаты» астына алды, аның утлы корал белән эш итәргә сәләтле булуын раслады. Корал хуҗаларының җаваплылыгын арттыру өчен әлеге тәҗрибәне кире кайтарырга кирәк дип саныйм», - диде «ТР балыкчылар һәм аучылар җәмгыяте» төбәк иҗтимагый оешмасы вәкиле Олег Скопьюк.
«Корал алу процедурасын катлауландырырга кирәк, мондый көн килеп җитте. Ул чагында күңелендә ышанычы булмаган яки корал аңа ни өчен кирәклеген белмәгән кешеләр төшеп калачак. Кеше 21 яшьтә аңа корал чыннан да кирәкме-юкмы икәнлеген аңлый дип саныйм», - диде «Беркут» ау хуҗалыгы вәкиле Юлия Кирьянова.
Янтык ау хуҗалыгы вәкиле җаваплылыкны үз өстеңә алу тәҗрибәсе Татарстанда ау культурасын күтәрергә ярдәм итәр дип саный.
Яңалыкларны күзәтеп бару өчен Макс-каналга язылыгыз