Татарстанда дымлы һәм салкынча һава торышы көтелә

Туфракта кырау булуы мөмкин, суыта, шул сәбәпле, шторм кисәтүе игълан ителде.

(Казан, 13 май, «Татар-информ»). Иртәгә, 14 майда, Татарстанда температура фонының түбәнәюе дәвам итәчәк. Бу хакта ТР Гидрометеорология үзәге хәбәр итә.

Аязучан болытлы һава торышы көтелә. Төнлә һәм иртән республикада яңгыр явачак, ә көндез явым-төшем күзәтелми. Моннан тыш, синоптиклар көчле җил турында кисәтә, бу хакта элек «Татар-информ» хәбәр иткән иде.

Төнлә һава температурасы +1- +6 градус була. Моннан тыш, туфракта кырау булуы мөмкин, суыта. Шунлыктан шторм кисәтүе игълан ителде. Көндез һава 13-18 градуска кадәр җылыначак.