Синоптиклар Татарстанда көчле җил турында кисәтә

Җил тизлеге секундына 15-20 метр тәшкил итәчәк.

(Казан, 13 май, «Татар-информ»). Бүген кич һәм төнлә Татарстан территориясендә урыны белән көчле җил булачак. Бу хакта ТР Гидрометеорология үзәге кисәтә.

Татарстан районнарында төньяк-көнбатыштан искән җилнең тизлеге секундына 15-20 метр, ә Казанда 18 метрга кадәр җитәчәк.

Элегрәк «Татар-информ» мәгълүмат агентлыгы хәбәр иткәнчә, төнлә Татарстан территориясендә урыны белән туфракта кырау көтелә, суыта.