Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Элеккеге сәламәтлек саклау министрының улына баланы коткарган өчен медаль тапшырылды
2019 елның июнь аенда 14 яшьлек Нурислам Вафин суга батучы дустын коткарганда үзе дә аздан гына су төбенә китмәгән.
(Казан, 13 апрель, «Татар-информ», Полина Шевчук). Татарстанның элеккеге сәламәтлек саклау министрының улы Нурислам Вафин суга батучы баланы коткарган өчен Россия Гадәттән тыш хәлләр министрлыгы медале белән бүләкләнде.
Россия Гадәттән тыш хәлләр министрлыгы матбугат хезмәте хәбәр иткәнчә, бүләкләү тантанасы Мәскәүнең 1329нчы мәктәбендә (Нурислам Вафин шунда белем ала) узды. Яшь геройга медальне Россия гадәттән тыш хәлләр министры киңәшчесе Андрей Мерзликин һәм Россия Гадәттән тыш хәлләр министрлыгының Мәскәү өлкәсе буенча Баш идарәсе җитәкчесенең беренче урынбасары Вадим Андямов тапшырды.
«Министрлык исеменнән сезнең батырлык алдында баш иям. Безнең буын үз эшләрен акрынлап сезгә, яшьләргә тапшыра. Без аларны ышанычлы кулларга тапшырырбыз дип өметләнәм», - диде Россия гадәттән тыш хәлләр министры киңәшчесе, Россия Герое Андрей Мерзликин.
Әлеге вакыйга 2019 елның июнендә була. Нурислам үзенең дусты белән Мәскәү өлкәсенең Хоросино авылы янындагы күлдә су кергән. Кайсыдыр мизгелдә малайның дусты су төбенә китә башлаган. Нурислам югалып калмаган, тиз генә аңа ярдәмгә ташланган. Малайны каравылчы ярдәмендә яр буена алып чыкканнар.
Кызыклы яңалыкларны күзәтеп бару өчен Телеграм-каналга язылыгыз