Менделеевск районында тимер юл вокзалы төзергә планлаштыралар

Районда Татарстан транспорт һәм юл хуҗалыгы министры Фәрит Хәнифов эш сәфәре белән булды.

(Казань, 12 ноябрь, «Татар-информ», «Менделеевск яңалыклары»). Менделеевск районында тимер юл вокзалы төзергә планлаштыралар. Бу турыда районга эш сәфәре белән килгән Татарстан транспорт һәм юл хуҗалыгы министры Фәрит Хәнифов белән очрашуда сөйләштеләр.

Район башлыгы Валерий Чершинцев иске тимер юл вокзалын күрсәтте һәм район территориясе турында сөйләде.

«Менделеевск станциясе аша Казан-Мәскәү һәм Адлер-Пермь пассажир поездлары уза. Шулай Менделеевскида яшәүчеләр поездда Чаллыга кадәр бара. Безнең шәһәргә яңа заманча тимер юл станциясе кирәк», — диде район башлыгы.