Мәскәүдә Туймазы театры гастрольләре була

Спектакльләр Башкортстан Республикасы оешуга 100 ел тулуга багышланган чаралар кысаларында уза.

(Казан, 12 сентябрь, «Татар-информ»). 29-30 сентябрь көннәрендә Мәскәүнең «Модерн» драма театры сәхнәсендә Туймазы дәүләт татар драма театры гастрольләре узачак. Бу хакта Татарстан Республикасының Россия Федерациясендәге Тулы вәкаләтле вәкиллеге матбугат хезмәте хәбәр итә.Спектакльләр Башкортстан Республикасы оешуга 100 ел тулуга багышланган чаралар кысаларында була.29 сентябрь көнне тамашачыларга Туфан Миңнуллинның «Әлдермештән Әлмәндәр» комедиясе тәкъдим ителәчәк. Тамаша 17.00 сәгатьтә башлана.30 сентябрьдә Әнгам Атнабаев пьесасы буенча «Игезәкләр» спектакле күрсәтелә. Спектакль 18.00 сәгатьтә башлана.