Җәмгыять 12 июнь 2007 13:31

Татарстанда узган якшәмбедә 12 янгын чыккан

Скопировать ссылку

(Казан, 12 июнь, “Татар-информ”, Елена Чембаева). Узган якшәмбедә Татарстанда 12 янгын теркәлгән, аларда бер кеше зыян күргән, берсе үлгән һәм тагын берсе коткарып калынган.

Суда бер коткару операциясе үткәрелгән, аның барышында ике кеше коткарып калынган, 21 юл-транспорт һәлакәте теркәлгән, аларда 33 кеше зыян күргән, шул исәптән икесе якты дөнья белән хушлашкан, дип хәбәр итә ТР Гражданнар оборонасы эшләре һәм гадәттән тыш хәлләр министрлыгының матбугат хезмәте.

10 июньдә 5 сәгать 43 минутта Татарстанның Сарман районы Җәлил бистәсендә янгын чыгуы турында хәбәр килә. Янгынның сәбәбе – исерек килеш тәмәке тарту. Нәтиҗәдә 1950 елгы ир-ат төтенгә буылып үлә.

8 сәгать 05 минутта Түбән Кама шәһәре янындагы Чулман елгасында 1950 һәм 1977 елда туган ике ир-ат утырган резин көймә әйләнеп каплана. Түбән Кама коткару отряды хезмәткәрле көче белән судан чыгарылган зыян күрүчеләргә медицина ярдәме күрсәтелә.

Сәхифәләр

Татарстанда узган якшәмбедә 12 янгын чыккан