Казан мәктәбендә атыш вакытында зыян күрүчеләрне Мәскәүгә җибәрүләре ихтимал

12 май Татарстанда матәм көне итеп игълан ителде.

Скопировать ссылку

(Казан, 12 май, «Татар-информ», Ләйсән Рәхмәтуллина). Казан мәктәбендә атыш вакытында зыян күргән кешеләрне Мәскәүгә җибәрергә мөмкиннәр. Бу хакта зыян күрүчеләргә ярдәм күрсәтүгә багышланган матбугат конференциясендә билгеле булды.

«23 кеше хәзерге вакытта хастаханәдә ята. Аларның алтысының хәле авыр һәм ике кешенең хәле аеруча авыр. Барлык табиблар да эшли. Барысына да тиешле ярдәм күрсәтелә. Барлык дарулар да җитәрлек», — дип белдерде ТР сәламәтлек саклау министры урынбасары — Казан шәһәренең Сәламәтлек саклау идарәсе җитәкчесе Владимир Жаворонков.

Кайбер авыручыларның Мәскәүгә күчерелүе турында әлегә төгәл мәгълүмат юк.

«Кичә балаларның барысын да табиблар тикшерде, карады. Кирәк булган очракта өйләргә психологлар да җибәрелде. 8А сыйныфы укучыларын педиатрлар һәм психологлар бригадасы карады», — диде спикер.

Сәхифәләр

Казан мәктәбендә атыш вакытында зыян күрүчеләрне Мәскәүгә җибәрүләре ихтимал