Әлмәттә яңа «ЮВТ-24» телепроекты эшли башлады
Проект Татарстанның көньяк-көнчыгыш шәһәрләрен берләштерде.
(Әлмәт, 12 февраль, «Татар-информ», «Әлмәт таңнары»). «ЮВТ-24» телеканалы 10 февральдә эшли дә башлады. Татарстанның көньяк-көнчыгышындагы мәгълүмат үзәге Әлмәттә урнашкан, ул «Татмедиа» АҖ филиалы һәм «Әлмәт РТВ» телерадиокомпаниясе базасында оештырылган.
Лилия Сәлимҗанова алып баруында татар телендә кичке яңалыклар яңа форматта, яңартылган студиядән эфирга чыкты.
Каналда яңа йөзләр пәйда булды — кастингта катнашучылар, телекомпания аларны һава торышы һәм яңалыклар фаразын алып баручыларны сайлау өчен үткәрде. Һава торышы турында тамашачыларга 13 яшьлек Арслан Әсәдуллин сөйләде, ә «Татарстанның көньяк-көнчыгышы яңалыклары» тапшыруын Рушан Камаев үткәрде. Ике йолдыз да телекомпаниянең инстаграм-аккаунтында тавыш бирү юлы белән сайлап алынды.
Проектны эшләтеп җибәрүгә канал өчен заставкалар, отбивкалар, логотип, яңалыклар студиясенең декорацияләре ясалган.
«ЮВТ-24» проекты Татарстанның көньяк-көнчыгыш шәһәрләрен — Әлмәт, Лениногорск, Бөгелмә, Азнакай, Баулы һәм Зәй шәһәрләрен үз эченә ала. Яңалыклар көн саен эш көннәрендә чыга, канал рус һәм татар телләрендә хәбәр итә. Үз программаларының күләме атнага 35 сәгать тәшкил итә.
Телеканалның челтәр партнеры — «Татарстан 24». Потенциаль аудитория 470 меңнән артык кешене тәшкил итә.