Рөстәм Миңнеханов әнисен 90 яшьлеге белән котлап, саулык һәм озын гомер тели
Вәсыйга Миңнеханова – хезмәт ветераны, ул озак еллар дәвамында балалар бакчасында тәрбияче булып эшләгән.
Скопировать ссылку
(Казан, 12 гыйнвар, «Татар-информ»). Татарстан Президенты Рөстәм Миңнеханов әнисен 90 яшьлек юбилее белән тәбрик итте. Әлеге уңайдан ул «Инстаграм» социаль челтәрендәге сәхифәсендә әнисенең фотосын урнаштырган.
«Кадерле әнием, туган көнең белән сине! Исәнлек-саулык, озын гомер телим!» — дип язган Татарстан Президенты.
Вәсыйга Мөбарәкҗан кызы бүген үзенең 90 яшьлек юбилеен билгеләп үтә. Ул Саба районының Лесхоз бистәсендә озак еллар балалар бакчасында тәрбияче булып эшләгән, аның «Хезмәт ветераны» медале һәм башка бүләкләре бар.