Җәмгыять 11 ноябрь 2021 15:26

Татарстанда җәмәгать транспортында QR-кодларны ничек тикшерәчәкләрен сөйләделәр

QR-кодларны пассажирны җәмәгать транспортына утыртканда пассажир йөртүчеләр үзләре тикшерәчәк.

Скопировать ссылку

(Казан, 11 ноябрь, «Татар-информ»). Татарстанның барлык җәмәгать транспортында, шәһәр яны һәм муниципальара маршрутларда QR-кодларны тикшерү башлана. ТР Президенты Рөстәм Миңнеханов күрсәтмәсе нигезендә Covid-19 инфекциясенә каршы көрәш буенча республика оператив штабында республика җәмәгать транспорты эшенең яңа режимын оештыру турында фикер алышынды.

«Татарстан Республикасы Президенты Рөстәм Миңнеханов кушуы буенча беренче вице-премьер җитәкчелегендә эшче төркем QR-кодлар кулланып җәмәгать транспорты эшен оештыру буенча киңәшмә үткәрде», - диелә хәбәрдә.

Шулай итеп, пассажирлар транспортка дәүләт хезмәтләре порталында бирелгән кәгазь яки электрон QR-код яки медотвод булу турында QR-код булса (ТР Сәламәтлек саклау министрлыгы тарафыннан эшләнә) керергә рөхсәт ителәчәк.

Татарстан Президенты транспортта электрон версияләр генә түгел, кодның кәгазь версияләре дә кабул ителергә тиешлеген искәртте. Белешмәләрне Күп функцияле үзәктә алырга мөмкин, шуңа күрә татарстанлылар транспортка кергәндә кыенлыклар белән очрашмаячак.

Моннан тыш, Рөстәм Миңнеханов, кирәк булганда, пассажир ташучылар QR-кодларны тикшерү өчен техник чаралар сатып алуга субсидияләр алачаклар, дип белдерде. Шулай ук оператив штаб хәбәр иткәнчә, пассажирлар агымы кимегән очракта һәм, димәк, керемгә субсидияләр каралган.

Кабул ителгән карар нигезендә, QR-кодларны пассажирны җәмәгать транспортына утыртканда пассажир йөртүчеләр үзләре тикшерәчәк.

Шулай ук хәзерге вакытта Россия тимер юллары һәм Росавиация адресына төбәкара ташуларга QR-кодларны кертү мөмкинлеге турында мөрәҗәгать әзерләнгән.

Сәхифәләр

Татарстанда җәмәгать транспортында QR-кодларны ничек тикшерәчәкләрен сөйләделәр