Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яшел Үзән сөт комбинаты тәрбиягә бала алган гаиләләргә бүләк тапшырды
Комбинат икенче ел Татарстанның медицина, социаль һәм хәйрия учреждениеләренә актив ярдәм күрсәтә.
(Яшел Үзән, 11 июль, «Татар-информ», «Яшел Үзән»). Яшел Үзән сөт комбинаты районда тәрбиягә бала алган 38 гаиләгә гомуми авырлыгы 315 кг булган 57 ашамлык җыелмасы тапшырды.
Бүгенге көндә районда тәрбиягә бала алган 38 гаилә яши, шуларның 18е — күп балалы. Тәрбиягә алынган балаларның гомуми саны — 96. Һәр гаилә комбинаттан бүләк итеп, сөт, атланмай, эремчек, каймак, катык һәм «Обнимама» балалар продукциясен үз эченә алган ашамлыклар җыелмасы алды.
Яшел Үзән районының иң зур тәрбиягә бала алган гаиләсе — Наил һәм Рәисә Латыйповлар-Минуллиннар. Аларның гаиләсендә 15 бала, шуларның 13е — тәрбиягә алган балалар. Иң кечкенәсенә 6 яшь, диелә хәбәрдә.
«Яшел Үзән районының барлык тәрбиягә бала алган гаиләләре исеменнән комбинатка бүләкләре өчен рәхмәт белдерәбез! Хис-тойгыларыбызны, шулай ук балаларның мондый игътибардан булган шатлыгын һәм соклануын җиткерү өчен сүз юк!» — дип рәхмәтен белдерде Рәисә Латыйпова.
Комбинат икенче ел Татарстанның медицина, социаль һәм хәйрия учреждениеләренә актив ярдәм күрсәтә.
Кызыклы яңалыкларны күзәтеп бару өчен Телеграм-каналга язылыгыз