Татарстанда 12 май матәм көне дип игълан ителде
Карарны Татарстан Президенты Рөстәм Миңнеханов чыгарган.
Скопировать ссылку
(Казан, 11 май, «Татар-информ»). Татарстан Президенты Рөстәм Миңнеханов карары белән 12 май республикада матәм көне дип игълан ителде. Бу хакта «Татар-информ» мәгълүмат агентлыгына ТР Президенты матбугат хезмәте җитәкчесе Лилия Галимова сөйләде.
Искәртеп үтик, 175 нче Казан гимназиясендә бүген атыш булды, берничә кеше һәлак.
«Республика Президенты карары белән 12 майда Татарстанда матәм көне дип игълан ителде», — дип хәбәр итте Лилия Галимова «Татар-информ»га.
Галимова сүзләренчә, якын арада Татарстанның Террорчылыкка каршы комиссиясе утырышы була.