ТР Язучылар берлегенең XVIII корылтае алдыннан - язучылар фикере

Корылтайга 2 атна чамасы вакыт калды

(Казан, 11 май, “Татар-информ”, Ләйсән Исхакова). 25 майда cәгать иртәнге 10да “Казан” милли мәдәният үзәгендә ТР Язучылар берлегенең XVIII корылтае була. Корылтайның көн тәртибендә берлек рәисен һәм идарәсен, ревизия комиссиясен сайлау һ.б. мәсьәләләр кертелгән. Ләкин шуңа кадәр 4 ел буена берлек башында торган Рафис Корбан каләмдәшләре алдында эшчәнлеккә хисап ясарга тиеш.

Әлеге иҗади берлеккә 337 кеше тупланган. Корылтай уңаеннан, каләм әһелләренең берничәсе белән элемтәгә чыгып, аларның корылтайга нинди өметләр баглавы турында фикерләрен белештек. Шулай ук Рафис Корбан да соңгы 4 елда ирешелгәннәр һәм барып чыкмаганнар турында күңелен ача. Бу хакта “Татар-информ” сайтының “Әңгәмә” сәхифәсендә бәян ителә.