Төркиядә коронавирус йоктыруның беренче очрагын расладылар

Коронавирус йоктырган пациент күптән түгел Европадан кайткан.

(Казан, 11 март, «Татар-информ»). Төркиядә коронавирус йоктыруның беренче очрагы расланды. Бу хакта Daily Sabah газетасына сылтама белән РИА Новости хәбәр итә.

Төркия Сәламәтлек саклау министрлыгы башлыгы Фәхреттин Коджа хәбәр иткәнчә, коронавирус йоктырган пациент күптән түгел Европадан кайткан.

Дөньяда яңа коронавирус белән 100 меңнән артык кеше зарарланган, күбесе терелгән, 4 меңгә якын кеше үлгән.