Әстерханда Тукай һәйкәлен мәсхәрәләгәннәр
Һәйкәлнең сул кулына вандаллар хәтта свастика да ясап куйган.
Скопировать ссылку
(Казан, 10 декабрь, «Татар-информ»). Бүген иртән Әстерхан егете Динар Хисамов үзенең Фейсбук аккаунтында билгесез затларның Адмирал Нахимов һәм Александров урамнары киселешендә урнашкан татар шагыйре Габдулла Тукай һәйкәлен мәсхәрәләвен хәбәр итте.
Һәйкәлне зәңгәр төсләргә буяганнар, ә сул җилкәдә вандаллар ак төс белән хәтта свастика да ясап калдырган. Бәхеткә, һәйкәлне тиз арада юып өлгерделәр. Бу хакта да Хисамов язылучыларына шундук хәбәр итте. Динар постындагы комментарийларда фейсбукчылар һәйкәлне төсле бурлар яки майлы буяу белән бозганнар, дип фаразлыйлар.