Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан районнарында Интернетка тоташу челтәрләрен яңарту мөмкинлекләре карала
"Иске технологияләр калган урыннарда яңага алмаштыру бурычы тора”, - дип әйтте “Таттелеком” компаниясе җитәкчесе.
(Казан, 10 декабрь, “Татар-информ”, Гөлнар Гарифуллина). Татарстан районнарында Интернетка тоташу челтәрләрен яңарту мөмкинлекләре карала. Бу хакта ТР Министрлар Кабинетында брифингта “Татар-информ” хәбәрчесе соравына җавабында “Таттелеком” җәмгыяте генераль директоры Айрат Нуретдинов әйтте.
Билгеле булганча, бүген районнарда Интернетка тоташу, нигездә, DSL – элекке телефон кабельләре буенча үткәргечләр аша гамәлгә ашырыла. Айрат Нуретдинов DSL технологиясендә Интернет куллану мөмкинлекләре чикле булуын таныды.
“Соңгы елларда технологик алгарыш күзәтелә. GPON технологиясе барлыкка килде. Без хәзер челтәрләрне GPON технологиясенә кадәр яңарту мөмкинлекләре турында уйлыйбыз. Бу аеруча Казан яны торак пунктларына, район үзәкләренә кагыла. Якын елларда күп кенә халык өендә яхшы оптик мөмкинлекләр алыр дип уйлыйбыз”, - диде Айрат Нуретдинов.
“Безнең өчен бу үсеш ноктасы булып тора. Иске технологияләр калган урыннарда яңага алмаштыру бурычы тора”, - дип әйтте компания җитәкчесе.
GPON – киң полосалы челтәр, ул бер кабель буенча Интернет, телевидение, телефония хезмәтләрен бертөрле югары сыйфатта алу мөмкинлеген бирә.
Кызыклы яңалыкларны күзәтеп бару өчен Телеграм-каналга язылыгыз