Казан көзге ялларда сәяхәт итү өчен иң популяр 10 шәһәр арасына керде

Татарстан башкаласында туристлар уртача алганда 1,9 мең сум акча тота.

(Казан, 10 сентябрь, «Татар-информ»). Казан 2019 елда көзге ялларда сәяхәт итү өчен иң популяр шәһәрләр рейтингына керде. Бу хакта Tvil.ru сервисы хәбәр итә.

Исемлектә Ялта – беренче, Севастополь – икенче, Санкт-Петербург – өченче, Мәскәү – дүртенче, Казан бишенче урынны били.

Сервис мәгълүматларыннан күренгәнчә, туристлар торак арендалау өчен тәүлегенә 1,3-9 мең сум акча сарыф итә. Иң арзанлы ял – Краснодарда (шәһәр исемлектә 6нчы баскычта урнашкан), Казанда туристлар уртача алганда 1,9 мең сум акча тота.