Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Соңгы айда Россия туристларының Татарстан белән кызыксынуы арткан
Республика авиабилетларны броньлау арткан юнәлешләр буенча беренче өчлеккә керде.
(Казан, 10 июль, «Татар-информ»). Соңгы айда коронавирус пандемиясе дәвам итү һәм чикләү чараларын акрынлап бетерү фонында Россия туристларының Татарстанга карата кызыксынуы артты. Сәяхәтчеләр өчен Biletix сервис тикшеренүләре нәтиҗәләре әнә шундый. Бу хакта Lenta.ru хәбәр итә.
Республика июнь аенда авиарейсларда урыннар броньлау арткан юнәлешләр буенча беренче өчлеккә керде. Татарстанга очучы самолетларга броньлау күләме 38 процентка арткан, бу күрсәткеч буенча төбәк өченче урында тора.
Броньлау саны 57 процентка артып, Калуга өлкәсе беренче урынны алды. Кырым икенче булды – анда 49 процент. Дүртенче һәм бишенче позициядә Башкортстан (37 процент) һәм Калининград өлкәсе (30 процент) тора.
Иң начар нәтиҗәләр Байкал арты крае, Хакасия, Приморье крае, Томск һәм Пенза өлкәләрендә. Бу төбәкләрдә броньлау саны 86 проценттан 74 процентка кадәр кимегән.
Элегрәк «Татар-информ» мәгълүмат агентлыгы Казанда тыюларны бетергәннән соң туризм өлкәсендә вакансияләр саны 2,5 тапкырга артканлыгын хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз