Түбән Кама аэропорты дәрәҗәле бүләккә лаек булды
Аэропорт 2015, 2016, 2017, 2018, 2020 елларда да премиягә ия булган иде.
(Казан, 10 февраль, «Татар-информ»). Түбән Каманың Николай Лемаев исемендәге «Бигеш» аэропорты «Елына ике миллионга кадәр пассажир агымы булган халыкара аэропорт» категориясендә «Иң яхшы аэропорт-2021» номинациясендә көмеш призер булды.
Кичә Мәскәүдә «Россиянең һава капкалары» тугызынчы илкүләм премиясе җиңүчеләрен бүләкләү тантанасы узды. Бу хакта Түбән Кама муниципаль районы рәсми сайтында хәбәр ителә.
«9 февраль — Россия гражданнар авиациясе көне. „Бигеш“ аэропорты өчен инде алтынчы ел рәттән бу — икеләтә бәйрәм, чөнки традиция буенча бу көнне без „Россиянең һава капкалары“ дигән дәрәҗәле бүләккә ия булабыз», — диде генераль директор Андрей Парфененко.
Аэропорт 2015, 2016, 2017, 2018, 2020 елларда да премиягә ия булган иде.